Shımbay rayonı 40-sanlı ulıwma orta bilim beriw mektebinde oqıwshılardıń jazǵı demalıs kúnlerin mazmunlı shólkemlestiriw maqsetinde “JAZ 2022” sport jarısları boyınsha oqıwshılar arasında SHAXMAT turniri ótkerildi.
1-iyun Xalıqaralıq balalardı qorǵaw kúni múnasibeti menen Shımbay rayonı 40-sanlı ulıwma orta bilim beriw mektebiniń oqıwshıları arasında SHAXMAT jarısı ótkerildi. Jarıs juwmaǵında 1-orındı 5-b klass oqıwshısı Abdikarimov Berdax, 2-orındı 4-d klass oqıwshısı Saparov Begzat 3-orındı 5-b klass oqıwshısı Qazaqbaev Arman iyeledi. Barlıq jarıs qatnasıwshıları DIPLOMlar menen sıylıqlandı.
Шымбай районлық ХББ не қараслы 40-санлы улыўма орта билим бериў мектебинде 2022-жыл 15-март күни «Ассалам Наўрыз» атамасында байрам кешеси болып өтти
Шымбай районлық ХББ не қараслы 40-санлы улыўма орта билим бериў мектебиниң оқыўшылары спорттын бокс түринен Қарақалпақстан чемпионатына қатнасып сыйлы орынларды(9-в класс оқыўшысы Оралбаев Куралбай ,7-а класс оқыўшысы Жаңабаев Акылбек 1-орын, 7-а класс оқыўшысы Толыбаев Бекбос 3-орын) ийелеп ДИПЛОМ менен сыйлықланды.
Шымбай районлық ХББ не қараслы 40-санлы улыўма орта билим бериў мектебинде 10-11-класс оқыўшы қызлары арасында «Қыз өссе елдиң көрки» атамасында көрик таңлаў шөлемлестирилди
Шымбай районлық 40-санлы улыўма билим бериў мектебинде оқыўшылар арасында тәртип ҳәм ҳуқықбузарлықлардын алдын алыў бойынша ата-аналар жыйналысы болып өтти. Жыйналыс барысында 2020-2021-оқыў жылында Жоқарғы оқыў орынларына оқыўға кирип студент болған оқыўшылар ата-аналарына мектеп жамаати атынан «Миннетдаршылық хат» тапсырылды.
«UMU kitapları» JShJ tańlawǵa qatnasıwdı qálewshilerdi rayon oraylarına barıp dizimge alıwdı dawam etip, búgin 7-may kúni Shımbay rayonı 40-sanlı ulıwma orta bilim beriw mektebinde kitaplar yarmarkasın shólkemlestirdi. Bul kitaplar yarmarkasına oqıwshılardıń ata-anaları, mektep oqıtıwshıları belsene qatnasıp ózleri oqıǵan mektebine kitaplar sawǵa etti. Yarmarka koncert baǵdarlaması menen dawam ettirildi.
5-май қарақалпақ қосық дүньясының сөнбес жулдызы, поэзиямыз байтереги, Өзбекстан қаҳарманы, Өзбекстан ҳәм Қарақалпақстан халық шайыры Ибрайым Юсуповтың туўылғанына 92 жыл толды. Асқар таўдай инсаныйлық пазыйлети жоқары, ағын суўдай сарқылмас талант ийеси сүйикли шайырымыздың өшпес жарқын яды жүреклеримизде мәңги жасайды. Усы мүнәсибет пенен Шымбай районлық 40-санлы улыўма орта билим бериў мектебинде «Поэзия жулдызы» атамасында әдебий кеше өткерилди. Бәрше ўатанласларымызды, кǝсиплеслеримизди қарақалпақ әдебиятының бүгинги байрам сәнеси менен қутлықлаймыз.
«Ёшлик» дене тәрбия хәм спорт жәмийети тәрепинен спорттың стол теннис түри бойынша өткерилген жарыста Шымбай районы 40-санлы мектептиң 9-класс оқыўшысы Таңатарова Индира сыйлы 1-орынды ийеледи.
Шымбай районы 40-санлы улыўма орта билим бериў мектебинде китапқумарлар ҳәптелиги шеңберинде «Китапқа болған меҳир бизди бирлестиреди» атамасында Қаракалпақстан жазыўшылар аўқамы ағзасы, жазыўшы Нағыйма Жаңабаева менен мектеп оқыўшылары қатнасыўында ушырасыў болып өтти. 03.04.2021.
